شیعہ کا مطلب پیروکار اور ساتھی ہے، اور اصطلاح میں اس سے مراد وہ مسلمان ہیں جو یہ عقیدہ رکھتے ہیں کہ پیغمبر اسلام (ص) نے خدا کے حکم سے امام علی (ع) کو اپنا بلافصل خلیفہ و جانشین مقرر فرمایا۔ شیعہ، اسلام کے دو بڑے مذاہب میں سے ایک ہے، دنیا بھر میں شیعوں کی آبادی بیس کروڑ سے زائد بتائی جاتی ہے۔ شیعہ مذہب کے تین بڑے فرقے ہیں: امامیہ، اسماعیلیہ، اور زیدیہ، جن میں امامیہ (یا بارہ امامی) سب سے زیادہ تعداد میں ہیں۔ یہ بارہ اماموں کی امامت کے قائل ہیں، جن میں آخری امام مہدی موعود (عج) ہیں۔
آل البیت (ع) گلوبل انفارمیشن سینٹر نے، جو دفتر حضرت آیت اللہ العظمی سید علی حسینی سیستانی (دامظلّہالعالی) کے زیرانتظام اور حجۃ الاسلام و المسلمین حاج سید جواد شہرستانی (دامتبرکاتہ) کی نگرانی میں، سن 1998ء میں دنیا کی کئی زندہ زبانوں میں "الشیعۃ” نظریاتی اور ثقافتی ویب سائٹ کا آغاز کیا۔
اس ویب سائٹ کا مقصد شیعہ کے خالص معارف و تعلیمات کو عام شیعوں تک پہنچانا اور دین و معرفت کے خواہشمند آزاد مفکرین کے لئے بہتر انداز میں متعارف کرانا اور اس کی وضاحت کرنا ہے، نیز دنیا بھر میں شیعہ معاشرے کے اعتقادی اور اخلاقی سوالات کے جوابات فراہم کرنا ہے۔ اس ویب سائٹ پر دس ہزار سے زیادہ مقالات اور بے شمار ملٹی میڈیا فائلیں دستیاب ہیں۔
آل البیت (ع) گلوبل انفارمیشن سینٹر میں فراہم کی جانے والی دیگر خدمات درج ذیل شامل ہیں:
– مختلف مذہبی اور اخلاقی سوالات اور شبہات کے آن لائن جوابات
– دینی نقطہ نظر سے خاندانی مشاورت اور تربیتی سوالات کے آن لائن جوابات
– علمی و دینی مضامین کی تحقیق و اشاعت
– معتبر دینی و مذہبی کتب و منابع کا تعارف
– ملٹی میڈیا مصنوعات کی تیاری اور فراہمی
– ثقافتی و مذہبی مراکز اور اداروں کو ویب ہوسٹنگ کی خدمات فراہم کرنا
– ویب سائٹ اور مواد مینجمنٹ سسٹمز کی ڈیزائننگ و پروگرامنگ
– موبائل سافٹ ویئرز کی ڈیزائننگ
